Hula Ma'ama'a

  1. Sei mota ma gou la 'io 'io se laloga
    Rue rue ne rante' ka ia rue a'totoka
    Ko pelu 'isa la 'ea garue noanoa
    Huga siriena ma 'e hanisi ma 'ofa

  2. Taksio la faega ma 'ae 'e asoha
    Vakaiof se li'u, puluen rahi 'e laloga
    Ran'ia ma 'ae ma gou se vao niu muri
    Malu 'e tieri ma poa ne tefui

  3. Hula ma'ama'a lagi ta iri ma fora
    'Ofi se hune'ele po haua se mo'oga
    Hanis ko hantei ma 'ae se rere kaluga
    Puku ne hanisi tae 'e fan kuruga

  4. 'Otara faega la se furifuri tu-u
    Hele'uen se avat gou leuofua la fu'u
    Suinemafa hura 'e faega fakamuri
    Hele'uen se avat ne 'ahai tae la sui

  5. Heon heta 'e ran liam ta Degei tae la sui
    Ou ma feufeu'akia se Rakitefurusio
    Forau os ma ita-ita ka 'ahai pa la'ia
    'ena haisirigen mos ma ran'ia se faviga

  6. Faegam se gouag ko ki ne 'otou huga
    Fu'uou ma te' ne 'otar alalum
    Maomao foro maru 'e tautoga
    Hea' se ma ka avat 'itarua la kaunohoga