-
Re se moset ka gou 'e li'mara'e
Hanua helav ka pumuet
Famor ma'oi gou kelea ma 'ae
'E laloag ne su'ure
-
Hanue te' taf ne as ta perpere
Ma'oi ne te 'is kotae la kel
Pear ta fis kikia se mone mi'e
Ka fanfan ta silive
-
Ma ta gou 'utuof la 'el se
Ma kel se manea' ne rere
Manea' ta sor 'e he'ak te samuge
Ma hai'ofiag re le' rue
-
Mak te fa ke se lio ne 'uge
La'oag 'esea ma te pegpeg
Lio 'on fup-han ta moliag ma 'e rere
'E riri hua ta Nafarue
-
Gou faf ma po vahia 'otou av he
La faeag ma saio' te
Sai'oa te ne 'otou huga a'hae se
Ka ia kaha ma 'io tuen
-
Nono ma ia furim ma faeag'en
Ka 'ea kepoi ka 'au pa 'inea ta te
Ma la faeag ma sai'oag se Sinet
La ne gou tae fakmuri se
-
Ko 'otou puk ma mol het gou rou se'
Afag hanis 'on kaluge
Aier'akiag ne 'atar haihanisige
Ka aramou ma gou la hoa' la ofien
-
Hoas ne 'ai ma'oi ne hanue te'
Tokana 'e pua 'e te'
Sarafu ma Moirani , Manuki
Ka vas 'e Taigara mimi'e
-
Chorus
'Inea ne gou la a'hae tapene
Gou kel ka te ma'oi 'e tae kat puara 'e te'
Gou sek mak keleaf se hune'ele
Ka as ta leusio la 'el'el
