Par sio koas ta ko haua la koa'ia
Fa' sasapoam ko haua se 'amisa
'Iom ma kuj fei ruk ka veu'ak mafa
Hao sio ma tokana 'e po la fala
Mafa la kamkam 'e te' ne ava.

Ho'iof se hanue ta ka moa toena
Tak sio se takag ta ma karkarara
Hanis'ia 'e o'hon ta usuen se puaf ta
O'fa ta mamaf se ka as ta lamlam'ia
Foro tagtag'ia ka piok raksa'ia.

Faria la'riri ta ka ta'oa o'hon ta
Ga haitariag hun se pa 'ate 'ia
Kepoi ko o'fa ka asoa o'hon ta
'Io kia la'riri' ta ne funua tela'a
Kaunohoag ta la 'oaf 'e te ne ava.