Rotuma ʻotou hanuet ne mou se gou!
Composer: Mamaʻo Konousi

1. Rotuma ʻotou hanuet, kal po ra la mao ʻe ta av,
   Rotuma ʻotou hanuet, gou na ʻotou fạtumanavʻ,
   ʻOtou huga kokonʻạkiag ne tes tȧla gou la po la re
   La taʻag ʻotou ʻesʻaot, se Rotuma.

2. Rotuam ʻontou gou naʻia ʻotou fạtʻmanava ma siʻu,
   Ma ʻại ne mạl sio, se uluạg ne solo,
   Ma sạsit ne la kafam,
   Se asat ne la sol se ut sousou,
   Rotuma ʻotou hanuet ne la mou se gou!

3. ʻÄe hagua ʻotou mäeva, la gou la osia 'äe,
   ʻOu asa la rog lelei, ka la ʻesʻao aier;
   Rotuma Rotuam ʻontou, ne gou kal maoʻạkia ra;
   ʻOtou ava neʻneʻi, gou na la mou se ʻäe.